დეკანოზი თეოდორე გიგნაძის სალექციო კურსი 220 ლარი ღირს

დეკანოზი თეოდორე გიგნაძის სალექციო კურსი, რომელიც "აზროვნების აკადემიის ონლაინ პლატფორმაზეა" განთავსებული, 220 ლარი ღირს.

"ქრისტიანული ღვთისმეტყველების პრაქტიკული ასპექტები" - ასე ჰქვია თეოდორე გიგნაძის სალექციო კურსს.

როგორც აღწერაში ვკითხულობთ, ლექციები ქრისტიანობას შეეხება.

"ვინც ამ შეხვედრების ციკლს მოისმენს, იმედია, გაუჩნდება კითხვები ქრისტიანობის შესახებ და, შესაძლებელია, მან ქრისტიანობა სხვანაირად დაინახოს, ჩაუღრმავდეს, დაიწყოს ძიება...", - წერია სალექციო კურსის აღწერაში.

კურსი მოიცავს 24 ლექციას, რაც 12 საათს შეადგენს.