ლაციოს რეგიონში ფილმებისა და სატელევიზიო გადაცემების წარმოება აღდგება.
გადასაღებ მოედნებზე ახალი რეგულაციები იმოქმედებს. მსახიობები და გადამღები ჯგუფი კორონავირუსზე ტესტირებას გაივლიან, მოხდება პერსონალისთვის ყოველდღიურ რეჟიმში ტემპერატურის გაზომვა, ასევე კადრს მიღმა დაიცავენ სოციალური დისტანცირების წესებს და ატარებენ პირბადეებს. აღნიშნული წესები იტალიურმა პროფკავშირებმა შეიმუშავეს.
იტალია კორონავირუსისგან ერთი-ერთი ყველაზე დაზარალებული ქვეყანაა, მიუხედავად ამისა, მდგომარეობის დასტაბილურებისთანავე, ხელისუფლებამ ეტაპობრივად შეზღუდვების მოხსნა დაიწყო.
