გერმანიის ჰესენის მხარეში ქალაქ ჰანაუში ორ ჩილიმ ბარზე თავდასხმას 9 ადამიანი ემსხვერპლა. შეიარაღებული თავდასხმა ღამით მოხდა. თავდამსხმელი მოგვიანებით პოლიციამ საკუთარ სახლში მკვდარი იპოვა. მის სახლში აღმოაჩინეს კიდევ ერთი ადამიანის ცხედარი.
თავდასხმის მოტივი უცნობია. მიმდინარეობს გამოძიება. გერმანული გამოცემა Bild-ის მიხედვით თავდამსხმელი გერმანიის მოქალაქე იყო, რომელსაც ცეცხლსასროლი იარაღის ფლობის უფლება ჰქონდა. ჩილიმ ბარების კლიენტების უმეტესობას ეთნიკურად ქურთები წარმოადგენდნენ.
4 დღის წინ სროლა მოხდა ბერლინშიც, თურქულ კომედიურ შოუზე, რასაც ერთი ადამიანის სიცოცხლე ემსხვერპლა.
