გორთან ავტოსაგზაო შემთხვევის შედეგად ერთი ადამიანი გარდაიცვალა. დაშავებულია სამი ადამიანი. ინფორმაცია ტაბულას შინაგან საქმეთა სამინისტროში დაუდასტურეს.
ავტომობილი გზის სავალი ნაწილიდან გადავიდა და ბოძს შეეჯახა. გავრცელებული ინფორმაციით, დაშავებულებიდან ორი მცირეწლოვანია.
შსს-ს ცნობით, საქმეზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც გულისხმობს ქმედებას, რამაც ადამიანის სიცოცხლის მოსპობა გამოიწვია. დანაშაული ოთხიდან შვიდ წლამდე ვადით თავისუფლების აღკვეთით ისჯება.