ეროვნულ დემოკრატიული ინსტიტუტის (NDI) კვლევის მიხედვით, გაიზარდა იმ ადამიანების რიცხვი, ვინც მიიჩნევს, რომ ქვეყანა არასწორი მიმართულებით ვითარდება.
ახალ კვლევაში მოსახლეობის 53% იზიარებს ამ აზრს, წინა კვლევაში კი მაჩვენებელი 49% იყო. აღსანიშნავია, რომ ეს მაჩვენებელი 2018 წლიდან უწყვეტად იზრდება.
მხოლოდ 19% მიიჩნევს, რომ საქართველო სწორი მიმართულებით ვითარდება, 24%-ის აზრით კი - ქვეყანა საერთოდ არ იცვლება.
ამასთან, საქართველოს განცითარების შესახებ მოსახლეობის მოსაზრება დაახლოებით ერთნაირია მთელი ქვეყნის მასშტაბით. მოსახლეობის უმრავლესობა ყველგან მიიჩნევს, რომ ქვეყანა არასწორი მიმართულებით ვითარდება:
- თბილისი - 55%
- დიდი ქალაქები - 53%
- პატარა ქალაქები - 48%
- სოფლები - 56%
- უმცირესობათა დასახლებები - 45%
NDI-ის დაკვეთით საველე სამუშაოები ჩატარდა 19 ნოემბრიდან 13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევა ეყრდნობა 2,181 პირისპირ ინტერვიუს წარმომადგელობითი შერჩევის საფუძველზე. საშუალო ცდომილების ზღვარი 1.9%.
NDI-ის კვლევები დიდი ბრიტანეთის მთავრობის UK aid-ის მხარდაჭერით ფინანსდება. საველე სამუშაოები CRRC–საქართველომ ჩაატარა.
