კილაძე ერქვანიაზე: ცოტა აბსურდულად ჟღერს, რომ ქართული ოცნება ეკლესიას ებრძვის

ქართული ოცნების დეპუტატი სოფო კილაძე ალექსანდრე ერქვანიას განცხადებებზე. ერქვანიამ ქართული ოცნებიდან წასვლამდე თქვა, რომ "ქართული ოცნების თავმჯდომარემ მოითხოვა, ეკლესიაში არსებულ თემებს ტაბუ მოხსნოდა და საზოგადებისთვის პატრიარქის კრიტიკა მისაღები გამხდარიყო". მისივე მტკიცებით, "უმრავლესობამ სხვადასხვა თანამდებობებზე ეკლესიის და პატრიარქის მოძულეები აირჩია, ხელისუფლებამ ღირსებისა და ზნეობის დამცველები ბნელებად და მარგინალებად შერაცხა, და ქვეყანაში მიმდინარე უზნეო და გარყვნილი ცხოვრების პროპაგანდას მხარდაჭერა გამოუცხადა. ხელისუფლების ამ ნაბიჯებით ისარგებლეს ქრისტეს მოძულეებმა და დაიწყეს ღია ომი ეკლესიის და პატრიარქის წინააღმდეგ".