ეროვნული ბანკის პრეზიდენტის, კობა გვენეტაძის თქმით, ქვეყანაში არსებული დღევანდელი ვითარება, შესაძლოა უარყოფითად აისახოს ლარზე.
"ზოგადად, პოლიტიკური ერთიანობა კარგად აისახება ხოლმე ეკონომიკურ მდგომარეობაზე. ისევე როგორც ლარის კურსზე, ასევე ინფლაციაზე" - აღნიშნავს გვენეტაძე.
პარლამენტის საფინანსო-საბიუჯეტო კომიტეტის თავმჯდომარის ირაკლი კოვზანაძის თქმით, ეროვნულმა ბანკმა უნდა გამოიყენოს ყველა მის ხელთ არსებული ინსტრუმენტი, რომ ინფლაცია დაუბრუნდეს მიზნობრივ მაჩვენებელს.
ეროვნული ბანკის 19 ნოემბრის მონაცემებით, 1 ამერიკული დოლარი 2.97 ღირს, ერთი ევროს ღირებულება კი 3 ლარსა და 29 თეთრს შეადგენს.