გერმანიის თავდაცვის მინსტრმა ანეგრეტ კრამპ-კარენბაუერმა NATO-ს სამიტის გამართვამდე რამდენიმე კვირით ადრე NATO-ს გენერალურ მდივანს იენს სტოლტენბერგს უთხრა, რომ 2031 წლამდე გერმანია NATO-ში სამიზნე 2%-იან კონტრიბუციას მიაღწევდა.
"NATO არის და იქნება ევროპის უსაფრთხოების გარანტია. თუმცა, ისიც ნათელია, რომ ევროპამ უნდა გაზარდოს მისი მოქმედების უნარი," - კრამპ-კარენბაუერის ოფისი მის ციტატაზე დაყრდნობით წერს.
"ეს იწყება თავდაცვის ბიუჯეტით," - გააგრძელა კრამპ-კარენბაუერმა:
"2024 წლამდე ჩვენ უნდა დავხარჯოთ [მშპ-ის] 1.5% და საბოლოოდ, 2031 წლამდე 2%".
კაერნბაუერის თქმით, ამის მიზეზი არ იყო ის, რომ სხვები ითხოვენ ამას, არამედ ის, რომ ეს გერმანიის უსაფრთხოების ინტერესშია.
მომავალი NATO-ს სამიტი 4 დეკემბერს გაიმართება.
ალიანსის წევრი სახელმწიფოები 5 წლის წინ შეთანხმდენ, რომ 2024 წლამდე NATO-ში თავდაცვაზე მინიმალურ 2%-ს დახარჯავდნენ.
ამჟამად NATO-ს წევრი მხოლოდ 7 ქვეყანა აკმაყოფილებს თავდაცვაზე სამიზნე მინიმალურ 2%-იან კონტრიბუციას. ეს ქვეყნებია აშშ, ბრიტანეთი, საბერძნეთი, პოლონეთი, ლატვია, ლიტვა და ესტონეთი. ჯამში, ყველა ევროპული ქვეყანა ალიანსში თავდაცვაზე 1.51%-ს ხარჯავს.
გერმანიას ევროპაში და NATO-ში აშშ-ის შემდეგ ყველაზე დიდ ეკონომიკა აქვს. გერმანია ამჟამად NATO-ში მშპ-ის 1.23%-ს ხარჯავს, რაც, დაახლოებით, 50 მილიარდი აშშ დოლარია.
შეგახსენებთ, რომ გასული წლის ივლისში აშშ-ის პრეზიდენტმა დონალდ ტრამპმა ის ევროპული ქვეყნები გააკრიტიკა, რომლებიც თავიანთი თავდაცვისთვის NATO-ში საკმარის თანხას არ ხარჯავდნენ:
"გერმანია, რომელიც ევროკავშირის უდიდესი ქვეყანაა, მშპ-ს მხოლოდ 1%-ს იხდის, უნდა დაიწყოთ თანხის გადახდა. აშშ ყველაფერზე არ იზრუნებს".