თბილისში, გორგასლის ქუჩაზე, მოქალაქეს ავტომობილი მოპარეს.
თვითმხილველების ცნობით, ავტომობილის მფლობელი აფთიაქში შევიდა, უკან დაბრუნებულს კი მანქანა ადგილზე აღარ დახვდა.
"რამდენიმე წუთით შევიდა მამაკაცი აფთიაქში და რომ გამოვიდა მანქანა აღარ დახვდა", - ამბობს ტელეკომპანია მთავართან საუბარში ერთ-ერთი თვითმხილველი.
როგორც ტაბულას შსს-ში უთხრეს, სამართალდამცველებმა TOYOTA-ს მარკის ავტომობილი შემთხვევის ადგილიდან რამდენიმე ასეულ მეტრში მიტოვებული იპოვეს. ამ დროისთვის პოლიიას დამნაშავე არ დაუკავებია. მომხდარ ფაქტზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.
