ოჯახური ძალადობა, ფართოდ გავრცელებული და ყველასათვის ნაცნობი მოვლენაა, რომელთანაც ბრძოლა თანამედროვე საზოგადოებისთვის ერთ-ერთი უმნიშვნელოვანესი გამოწვევაა. თურქეთში, ხელოვანმა გადაწყვიტა 2018 წელს ქმრების მიერ მოკლული 440 ქალისთვის პატივი მიეგო და მემორიალი გაეკეთებინა. მან შენობას, 440 წყვილი ქუსლიანი ფეხსაცმელი მიამაგრა. მემორიალი საკმაოდ დამთრგუნველი და სევდიანია.
თურქეთში არსებობს ტრადიცია: როდესაც ოჯახის წევრი კვდება მის ფეხსაცმელს, გლოვის ნიშნად სახლის გარეთ დებენ. ხელოვანისთვის ინსპირაციად სწორედ ეს ჩვეულება იქცა.
მემორიალი სტამბულის ცენტრშია განთავსებული და ფეხსაცმელი შენობაზე 6 თვის განმავლობაში იქნება გამოფენილი.