Biaff 2019

BIAFF 2019 დასრულდა - ფილმები და პროექტები, რომლებმაც წლევანდელ კინოფესტივალზე გაიმარჯვეს

ბათუმის საავტორო ფილმების მე-14 საერთაშორისო კინოფესტივალი დასრულდა - დახურვის ცერემონია 22 სექტემბერს, ბათუმის მუსიკალურ ცენტრში გაიმართა. საერთაშორისო ჟიურიმ პრიზები სამ საკონკურსო სექციაში გასცა - საერთაშორისო მხატვრული, დოკუმენტური და მოკლემეტრაჟიანი ფილმები. ქართველ კინოკრიტიკოსთა ჟიურიმ კი, კრიტიკოსთა რჩეული მხატვრული ფილმი გამოავლინა.

გამარჯვებულები

BIAFF 2019-ის მხატვრული ფილმების საერთაშორისო კონკურსი ხუთკაციანმა ჟიურიმ (ალექსანდრე მინდაძე - რუსეთი, ტატიანა დეტლოფსონი - აშშ, მარტინ ბლეინი - დიდი ბრიტანეთი, კარმენ გრეი - დიდი ბრიტანეთი, რუსუდან გლურჯიძე - საქართველო) შეაფასა.

გრანპრი გადაეცა მარკო სკოპის ფილმს "და იქმნა ნათელი" (სლოვაკეთის რესპუბლიკა/ჩეხეთი, 2019);

პრიზი საუკეთესო რეჟისურისთვის მიიღო ირანელმა რეჟისორმა რეზა მირკარიმიმ, ფილმისთვის "ოცნებების სასახლე“

საუკეთესო მსახიობი მამაკაცის და საუკეთესო მსახიობი ქალის პრიზები კაიან აჩიკგოზის და ჩემრე ებუზზიას გადაეცათ. ორივე მათგანი ემინ ალპერის თურქულ-გერმანულ ფილმში - "სამი დის ზღაპარი“ თამაშობს.

ჟიურის სპეციალური პრიზი მიიღო ფილმმა - “სეზონის დასასრული", ელმარ იმანოვი, გერმანია/აზერბაიჯანი/საქართველო, 2019;

BIAFF 2019-ის დოკუმენტური ფილმების საერთაშორისო კონკურსის სექციის ხუთკაციანმა ჟიურიმ (ქშიშტოფ გიერატ - პოლონეთი, გასიდე გოლმაკანი - ირანი, კარენ ავეტისიანი - სომხეთი, ოლეს იანჩუკი - უკრაინა, ვახტანგ კუნცევ-გაბაშვილი - საქართველო), შემდეგი პრიზები გასცა:

1. საუკეთესო დოკუმენტური ფილმი - "მაფიის გადაღება", კიმ ლონგინოტო, ირლანდია, 2019;

2. ჟიურის სპეციალური პრიზი - "სიყვარულის ავტომობილი", ელკე მარგარეტ ლერენკრაუზი, გერმანია, 2019

3. ჟიურის სპეციალური პრიზი - "ფორმანი ფორმანის წინააღმდეგ", ელენა ტრეშტიკოვა, ჩეხეთი, 2019;

BIAFF 2019-ის მოკლემეტრაჟიანი ფილმების საკონკურსო სექციის ჟიურიმ (ოთარ შამათავა - საქართველო, პოლ თილჯეს - ლუქსემბურგი, დავიდ ლორენცი - გერმანია) ასევე ორ ძირითად ნომინაციაში გასცა პრიზები:

  • საუკეთესო მოკლემეტრაჟიანი ფილმი - "ცხოველი", ამირან დოლიძე, საქართველო, 2019;

ჟიურის დიპლომი (სპეციალური მოხსენიება) - გადაეცა ორ ფილმს:

  • “იმედი”, ალექსანდრა მარკოვა, ბელორუსია, 2019;
  • "საზამთროს წვენი”, ირინე მორეი, ესპანეთი, 2019;

BIAFF 2019-ის ქართველ კინოკრიტიკოსთა ჟიურიმ (ლელა ოჩიაური, ნინო მხეიძე, სალომე კიკალეიშვილი, გამოვლინა კინოკრიტიკოსთა რჩეული ფილმი:

- საუკეთესო მხატვრული ფილმი - “ოცნებების სასახლე“, რეზა მირკარიმი, ირანი, 2019

დაჯიილდოებაზე BIAFF-ის პრიზი კინოხელოვნების განვითარებაში შეტანილი წვლილისათვის გადაეცათ:

  • მანუჩარ შერვაშიძე (საქართველო)
  • პოლ შრედერი (აშშ)
  • დენის ლავანი (საფრანგეთი)
  • ალექსანდრე მინდაძე (რუსეთი)

კინოფესტივალის დახურვის ცერემონიაზე ასევე დააჯილდოვეს BIAFF 2019 ინდუსტრიული პლატფორმის გამარჯვებული პროექტები. მათ შემდეგი პრიზები გადასცეს:

  • ვროცლავის აუდიოვიზუალური ცენტრის (CETA) პრიზი - 10 000 ევროს ექვივალენტი კინოპროდუქციის სერვისი - პროექტს "ნარინჯისფერი ცა" - რეჟისორი და პროდიუსერი შალვა შენგელი, თანასცენარისტი ალექსანდრე ქურხული.
  • BIAFF კინოფესტივალის პრიზი - საერთაშორისო კინოფესტივალზე BERLINALE დასწრება - პროექტს "ტვირთი" - რეჟისორი და პროდიუსერი ანა იოსავა, თანასცენარისტი ოთარ ქათამაძე.
  • სტამბულის კინოფესტივალის ინდუსტრიული პლატფორმის "Meeting on the Bridge” პრიზი - სატამბულის კინოფესტივალის ინდუსტრიულ პლატფორმაზე დასწრება - პროექტს „შენ გავხარ მამას“ - რეჟისორი ლევან ლომჯარია, პროდიუსერი ვაკო კირკიტაძე.

კი­ნო­ფეს­ტი­ვა­ლის მხარ­დამ­ჭე­რე­ბი არიან სა­ქარ­თვე­ლოს კულ­ტუ­რის, განათლების, სპორ­ტის და მეც­ნი­ე­რე­ბის სა­მი­ნის­ტრო, სა­ქარ­თვე­ლოს ეროვ­ნუ­ლი კი­ნო­ცენ­ტრი, აჭა­რის კულ­ტუ­რის სა­მი­ნის­ტრო, აჭა­რის ტუ­რიზ­მის და კუ­რორ­ტე­ბის დე­პარ­ტა­მენ­ტი, სა­ქარ­თვე­ლოს ტუ­რიზ­მის ეროვ­ნუ­ლი სა­ა­გენ­ტო, ბა­თუ­მის დრამატუ­ლი თე­ატ­რი, “ბრი­ტა­ნე­თის საბ­ჭო“, გო­ე­თეს ინ­სტი­ტუ­ტი და იტა­ლი­ის საელ­ჩო.

კომენტარები