შინაგან საქმეთა სამინისტროს ცნობით, უწყებასა და Tbilisi Pride-ის ორგანიზატორებს შორის შეხვედრა გაიმართა, სადაც ორგანიზატორებმა შსს-ს ღონისძიების ჩატარების გეგმა წარუდგინეს.
როგორც უწყებაში განმარტავენ, ორგანიზატორების მიერ დაგეგმილი ღონისძიების ფორმატზე და ადგილებზე, სადაც ღონისძიების გამართვა იგეგმება, პროცესში ჩართული პირების უსაფრთხოებასთან დაკავშირებული რისკების გათვალისწინებით, ეს შეუძლებელია.
შსს-ში ამბობენ, რომ Tbilisi Pride-ის ჯგუფს შესთავაზეს შეკრების სხვა ალტერნატიული ლოკაციები და ასევე გამოხატვის სხვა შესაძლებლობები, რომლებიც უფრო უსაფრთხო იქნება მონაწილე პირებისთვის.
ცნობისთვის, Tbilisi Pride-ის ორგანიზატორები ამავე საკითხთან დაკავშირებით დღეს, 5 საათზე პრესკონფერენციას მართავენ.