ათენში, პარლამენტის წინ მიმდინარე აქციის მონაწილეებსა და პოლიციას შორის შეტაკების შედეგად ათობით ადამიანი დაშავდა.
პოლიციამ მომიტინგეების მიმართ ცრემლსადენი გაზი გამოიყენა. პროტესტი საბერძნეთისა და მაკედონიას შორის შეთანხმებამ განაპირობა მაკედონიის ბერძნულ სახელწოდებასთან დაკავშირებით.
საპროტესტო აქციაზე დაახლოებით 60 000 ადამიანი გამოვიდა, თუმცა, ორგანიზატორები მიტინგზე 600 000 ადამიანს ელოდებოდნენ. გამოსვლებში ათობით მართლმადიდებელი მღვდელიც მონაწილეობდა. 
ფოტო: BBC
შეთანხმება საბოლოოდ დამტკიცებული ჯერაც არ არის, თუმცა, ის გულისხმობს, რომ საბერძნეთი თავის ჩრდილოელ მეზობელს მოიხსენიებს, როგორც ჩრდილოეთ მაკედონიის რესპუბლიკას.
ბერძნებისთვის სწორედ ეს სახელია მიუღებელი. ისინი ფიქრობენ, რომ მას შემდეგ, რაც ამ სახელს აღიარებენ, მაკედონიას ამავე სახელწოდების ბერძნულ პროვინციაზეც ენება პრეტენზია. თუმცა, მაკედონია ამ განზრახვას უარყოფს.
მაკედონიის სახელზე ორ ყქქვეყანას შორის უთანხმოება 1991 წლიდან გრძელდება, მას შემდეგ, რაც მაკედონიამ დამოუკიდებლობა მოიპოვა. გასული წლის ივნისში კი პრემიერმინისტრმა ალექსის ციპრასმა და მისმა მაკედონიელმა კოლეგამ შეთანხმებას მიაღწიეს. შეთანხმებას მაშინაც საპროტესტო გამოსვლები მოჰყვა.
