საქართველოს მართლმადიდებელი ეკელსია

ილია II ქართული ღორის ჯიშების მომშენებელი კომპანიის ხელმძღვანელებს შეხვდა

Patriarchate.ge

20 დეკემბერს, საქართველოს კათოლიკოს-პატრიარქი მღვდელმთავრებთან ერთად კომპანია Native Georgian ltd-ის დამფუძნებლებსა და ხელმძღვანელს შეხვდა. აღნიშნული კომპანიის საქმიანობის მიზანი ქართული ღორის ჯიშების გადარჩენა, მოშენება და გამრავლებაა. 

"ქართული ღორი და საქართველოს ბუნება და გარემო პირობები უნიკალურია. ამასთანავე, ქართული ღორი გამოირჩევა ძალიან მაღალი ხარისხის ხორცით და საუკეთესო გემოვანი თვისებებით" - თქვა კომპანიის დირექტორმა ლუის სანზ კასადომ.

კომპანიის დამფუძნებლის ვასილ ბაბლუანის თქმით რაჭაში სანაშენე ფერმა უკვე აშენდა, სამომავლოდ კი კიდევ 9 ფერმის აშენება იგეგმება.

"ეს პროექტი იქმნება ქართველი ფერმერების ჩართულობით, მათ სახელმწიფოს მხარდაჭერით აუშენდებათ ფერმები, რათა რაც შეიძლება მეტი ღორის მოშენება შეძლონ. შემდეგ კი მათგან გარანტირებულად მოხდება ღორების შეძენა", - თქვა ვასილ ბაბლუანმა.

კათოლიკოს-პატრიარქმა სტუმრები დალოცა, წარმატებული მოღვაწეობა უსურვა და გამოთქვა იმედი, რომ ბევრი ქართველი ჩაერთვება პროექტში.

კომენტარები