ლიეტუვის ეროვნული ნაკრების ფეხბურთელმა მანტას კუკლისმა უეფას ერთა ლიგაში საქართველოს ნაკრების ასპარეზობის შესახებ ისაუბრა. 31 წლის ფეხბურთელს უკვირს ის, რომ საქართველოს ნაკრები ყველაზე დაბალი რანგის D ლიგაში თამაშობს.
"უცნაურია, რომ ლიეტუვა C დივიზიონშია, საქართველო და ბელარუსი კი, D ლიგაში განაწილდნენ. D დივიზიონში ჩვენს ნაკრებს რომ ეთამაშა, ევროპის ჩემპიონატზე მოხვედრის გაცილებით მეტი შანსი გვექნებოდა", - განუცხადა მანტას კუკლისმა vesti.kz-ს.
24 მარტს, საქართველოსა და ლიეტუვის ნაკრებების ამხანაგურ მატჩში კუკლისმა მინდორზე სრული მეორე ტაიმი გაატარა. ვლადიმირ ვაისის გუნდმა ლიეტუვის ნაკრები 4:0 დაამარცხა.
