შინაგან საქმეთა სამინისტრომ "საქართველოს ეროვნული ერთობის“ მიერ, რუსთაველის გამზირზე აქციის მიმდინარეობისას გამოთქმულ მუქარის შემცველ განცხადებებთან დაკავშირებით გამოძიება სისხლის სამართლის კოდექსის 151-ე მუხლით (მუქარა) დაიწყო.
"სამართალდამცველები გამოძიების ფარგლებში მოახდენენ კონკრეტული პირების გამოკითხვას და ჩატარდება კანონით გათვალისწინებული ყველა საგამოძიებო მოქმედება" - აცხადებს შსს.
კლუბებში ჩატარებული სპეცოპერაციის შემდეგ, რუსთაველის გამზირზე აქციები დაიწყო, რასაც 13 მაისს ქსენოფობიური ჯგუფი "საქართველოს ეროვნული ერთობა" და სხვა ნეონაცისტური დაჯგუფებები კონტრაქციით დაუპირისპირდნენ.