საერთაშორისო გამჭვირვალობა საქართველოს (TI) დღეს, 11 მაისს გამოქვეყნებული კვლევის მიხედვით, მოსახლეობის უმრავლესობა თვლის, რომ ნარკოტიკის პირადი მოხმარების გამო, ადამიანი ციხეში არ უნდა ჩასვან.
მსუბუქი ნარკოტიკული საშუალება:
არ უნდა მოიხადოს ციხის სასჯელი - 72%
უნდა მოიხადოს ციხის სასჯელი - 25%
უარი პასუხზე - 3%
არაფერი მსმენია ამ ნარკოტიკების შესახებ - 0%
კლუბური ნარკოტიკული საშუალება:
არ უნდა მოიხადოს ციხის სასჯელი - 56%
უნდა მოიხადოს ციხის სასჯელი - 36%
უარი პასუხზე - 5%
არაფერი მსმენია ამ ნარკოტიკების შესახებ - 3%
ინტრავენური ნარკოტიკი:
არ უნდა მოიხადოს ციხის სასჯელი - 53%
უნდა მოიხადოს ციხის სასჯელი - 43%
უარი პასუხზე - 4%
არაფერი მსმენია ამ ნარკოტიკების შესახებ - 1%
ამასთან, კვლევის მიხედვით, მოსახლეობის 45% თვლის, რომ ადამიანის დაკავების მიზნით, არსებობს პოლიციელების მხრიდან ნარკოტიკების ჩადების პრაქტიკა.
წაიკითხეთ ამავე თემაზე -
TI-ის კვლევა: მოსახლეობის 45% თვლის, რომ ნარკოტიკის ჩადების პრაქტიკა არსებობს
TI-ის კვლევა: 50%-ზე მეტი თვლის, რომ პროკურატურა, შსს და სუს ოცნების ინტერესებს ატარებენ
TI-ის კვლევა: პრემიერმინისტრს 9% ენდობა სრულად, 19% - საერთოდ არა
არასამთავრობო ორგანიზაცია TI-ის დაკვეთით, კვლევა "კავკასიის კვლევითი რესურსების ცენტრმა" ჩაატარა. კვლევა 2018 წლის 3-28 მარტის პერიოდში ჩატარდა და მთელი საქართველოს მასშტაბით 1 843 გამოიკითხვა.
საშუალო ცდომილება 2.8%-ია.
კვლევა ეხება კითხვებს კორუფციის, სახელმწიფო და საზოგადოებრივი ინსტიტუტებისადმი ნდობის, ხელისუფლების ძირითადი შტოებისა და ორგანოების მუშაობის, საჯარო პოლიტიკის მნიშვნელოვანი საკითხების, მედიისა და არასამთავრობო ორგანიზაციების საქმიანობის შესახებ.
კვლევის მიხედვით, გამოკითხულთა 1% ამბობს, რომ ბოლო 12 თვის განმავლობაში მათ ან მათი ოჯახის წევრებს ქრთამი მოსთხოვეს სახელმწიფო მომსახურების სანაცვლოდ;
ამასთან, გამოკითხულთა 36% ფიქრობს, რომ საქართველოში გავრცელებულია საჯარო მოხელეთა მიერ თანამდებობის ბოროტად გამოყენება პირადი მიზნების მისაღწევად, ხოლო 16% ფიქრობს, რომ ასეთი რამ გავრცელებული არ არის;
სხვა სახელმწიფო ინსიტუტებთან შედარებით, კვლევის მიხედვით, საგრძნობლად დაბალია მოქალაქეთა ნდობა პარლამენტისა და სასამართლოს მიმართ, რომლებსაც სრულად ან მეტწილად ენდობა გამოკითხულთა მხოლოდ 17% და 20%.
გამოკითხულთა 58% ფიქრობს, რომ სასამართლო სისტემა მმართველი პარტიის გავლენის ქვეშაა, ხოლოდ 51% თვლის, რომ ის მიკერძოებულია. გამოკითხულთა 80% მიიჩნევს, რომ სისტემაში არ უნდა მუშაობდნენ ის მოსამართლეები, რომლებიც წარსულში ზეწოლის შედეგად უსამართლო გადაწყვეტილებებს იღებდნენ.
გამოკითხულთა უმრავლესობის აზრით, მმართველი პარტიის ინტერესებს ემსახურებიან პროკურატურა (57%), შინაგან საქმეთა სამინისტრო (55%) და სახელმწიფო უსაფრთხოების სამსახური (55%).