ფრაქცია ევროპული საქართველო თბილისის მთავრობას მხარს არ დაუჭერს. საკრებულოს წევრის გოკა გაბაშვილის თქმით, კალაძის მიმართ მთავარი შეკითხვა იქნება - "საიდან შეარჩია შავბნელი, შავრაზმული, ჰომოფობიური, ქსენოფობიური წარმომადგენელი მერიის უსაფრთხოების უზრუნველსაყოფად".
გაბაშვილი აღნიშნავს, რომ კალაძეს ასევე ჰკითხავენ, "რატომ ვერ შეძლო ნარმანიასთვის სუს-ის მიერ მიჩენილი მოადგილის, ნიკოლეიშვილის გამოცვლა".
"ეს არის ძირითადი შეკითხვები კალაძის მიმართ. რა თქმა უნდა, მხარს არ დავუჭერთ, ვერანაირ პასუხისმგებლობას ვერ ავიღებთ მერიაში კალაძის საქმიანობაზე" - აცხადებს გოკა გაბაშვილი.
თბილისის მერი დედაქალაქის მთავრობის ახალ წევრებს საკრებულოს დასამტკიცებლად დღეს წარუდგენს. სხდომა 17:00 საათზეა ჩანიშნული.