უკრაინის გენერალური პროკურორის იური ლუცენკოს განცხადებით, შეგინის სასაზღვრო პუნქტზე საზღვრის უკანონოდ გადამკვეთ პირებს, ამ კანონდარღვევის შესაბამისი პასუხისმგებლობა დაეკისრებათ. ამის შესახებ ლუცენკო საკუთარ facebook-ზე წერს.
"კანონი მოითხოვს, პასუხისმგებლობა დაეკისროთ მათ, ვინც უკანონოდ გადაკვეთა საზღვარი, ხელმძღვანელობდა ამ ქმედებებს ან ხელს უწყობდა ამ ქმედებებს. ეს გაკეთდება", - აცხადებს უკრაინის გენერალური პროკურორი.
მიხეილ სააკაშვილი ახლა ლვოვში იმყოფება. უკრაინის შს სამინისტროში განაცხადეს, რომ სააკაშვილმა საზღვარი კანონდარღვევით გადაკვეთა, რის საფუძველზეც გატარდება კანონით შესაბამისი მოქმედებები.
დაახლოებით 5 საათის წინ სააკაშვილის მხარდამჭერებმა გაარღვიეს შეგინის სასაზღვრო გამშვები პუნქტის კორდონი, გადავიდნენ უკრაინა-პოლონეთის საზღვრის ნეიტრალურ ზონაში და იქიდან მიხეილ სააკაშვილი და იულია ტიმოშენკო უკრაინაში შეიყვანეს.
კორდონის გარღვევის ამსახველი კადრები: