ფაჩულიამ კოჭის ტრავმა მიიღო, აკროპოლისის ტურნირზე მისი ასპარეზობა საეჭვოა

საქართველოს ეროვნული საკალთბურთო ნაკრების კაპიტანმა და NBA-ის ვარსკვლავმა ზაზა ფაჩულიამ ვარჯიშის დროს კოჭის ტრავმა მიიღო, რითიც აკროპოლისის საერთაშორისო ტურნირზე მისი ასპარეზობა ეჭვის ქვეშ დგება. ინფორმაციას ამის შესახებ საზოგადოებრივი მაუწყებელი ავრცელებს. 

საზმაუსთან ინტერვიუში საუბრისას, ნაკრების მთავარმა მწვრთნელმა ილიას ზუროსმა თქვა, რომ ამ დროისთვის ტრავმა საშუალო სიმძიმისაა და ცოტა ხანში გახდება ცნობილი, შეძლებს თუ არა ფაჩულია საბერძნეთში ასპარეზობას.