თბილისის საერთაშორისო აეროპორტში გაითიშა მგზავრთა რეგისტრაციის სისტემა, რის გამოც აეროპორტის თანამშრომლებს მგზავრების ხელით რეგისტრაცია უწევთ. აეროპორტის ინფორმაციით ხარვეზი რამდენიმე საათში გასწორდება.
ღამით ხარვეზები შეექმნა საერთაშორისო სისტემა SITA-ს, რომელიც ახდენს როგორც მგზავრების ფიზიკურ, ისე ონლაინრეგისტრაციას.
"პრობლემა მდგომარეობს იმაში, რომ ონლაინრეგისტრაციის არარსებობის გამო, ყველა მგზავრი ფიზიკურად უნდა დარეგისტრირდეს, რის გამოც იქმნება რიგები. რეისების შეფერხების საშუალო დრო 15-20 წუთია", - ამბობს ეკონომიკის მინისტრი გიორგი გახარია.
მგზავრთა რიგი აეროპორტში:
ფოტო: გიორგი ვაშაძე / facebook.com
