ღირსეული პარტნიორი 2017

ამერიკული საბრძოლო ჯავშანმანქანების მარში გორსა და საქართველოს სხვა ქალაქებში

ღირსეული პარტნიორი 2017-ში მონაწილე ამერიკულმა საბრძოლო ჯავშანმანქანებმა საქართველოს ქალაქებში მარშირებით ჩაიარა. სენაკიდან ვაზიანის მიმართულებით გადაადგილებისას ამერიკული ჯავშანტრანსპორტიორის კოლონა ქუთაისის, ზესტაფონისა და ხაშურის ცენტრებში გაჩერდა, სადაც ადგილობრივი მოსახლეობა საქართველოსა და აშშ-ის სახელმწიფო დროშებით შეხვდა. „სტრაიკერების“ კონვოიმ გორისა და თბილისის ქუჩებშიც ჩაიარა. .

დღესვე ამერიკული ჯავშანტრანსპორტიორის კოლონების მარშირება ვაზიანში, „ღირსეული პარტნიორის“ სწავლების არეალში დასრულდა და ხვალიდან უშუალოდ წვრთნებში ჩაერთვება. 

ამერიკული საბრძოლო ჯავშანმანქანა „სტრაიკერი“ „ღირსეულ პარტნიორში“ პირველად მონაწილეობს. 

მრავალეროვნულ სწავლებას „ღირსეული პარტნიორი 2017“ საქართველო უკვე მესამედ მასპინძლობს. მასში ნატოს წევრი და პარტნიორი 8 ქვეყანა იღებს მონაწილეობას: საქართველო, აშშ, გაერთიანებული სამეფო, გერმანია, თურქეთი, სლოვენია, სომხეთი და უკრაინა.

ღირსეული პარტნიორი 2017 აშშ-ის ევროპული სარდლობის შავი ზღვის რეგიონში მიმდინარე სწავლებების ციკლის ნაწილია, რომელიც შვიდი ქვეყნის ტერიტორიაზე ტარდება.

კომენტარები