ფრანგულმა საფინანსო გიგანტმა სოსიეტე ჟენერალმა 28 ივნისს TBC ჯგუფის 5.3%-იანი წილი სრულად გაყიდა. გარიგების ღირებულებამ 42 მილიონი გირვანქა სტერლინგი შეადგინა.
დღემდე სოსიეტე ჟენერალი TBC ჯგუფის 2.8 მილიონ ცალ აქციას ფლობდა, აღნიშნული გარიგების შედეგად კი ფრანგულმა ბანკმა საქართველოს ბაზარი სრულად დატოვა.
სოსიეტე ჟენერალს TBC ჯგუფის აქციები 2016 წლის ოქტომბერში, TBC-ის მიერ ბანკი რესპუბლიკის შესყიდვის პროცესში გადაეცა.