პარლამენტის წინ გამართულ აქციაზე 3 პირი დააკავეს. ინფორმაციას ამის შესახებ შინაგან საქმეთა სამინისტრო ადასტურებს.
მათ მიმართ საქმე აღძრულია ადმინისტრაციულ სამართალდარღვევათა კოდექსის 166-ე და 172-ე მუხლებით, რაც გულისხმობს წვრილმან ხულიგნობასა და პოლიციისათვის წინააღმდეგობის გაწევა.
ტაბულა შეეცადა დაეზუსტებინა, სად იმყოფებიან ამ დროისთვის დაკავებულები, თუმცა უწყების პრესსამსახურში გვითხრეს, რომ დამატებით დეტალებს მოგვიანებით მოგვაწვდიან.
აუდიტორია 115-ის წევრებმა პარლამენტის წინ აქცია გამართავენ. აქცია ტყიბულში მომხდარი უბედური შემთხვევის შემდეგ დაიგეგმა. აქციის მონაწილეები ქმედითი შრომითი ინსპექციის შექმნას მოითხოვენ.
მოგვიანებით აქცია პოლიციასთან დაპირისპირებაში გადაიზარდა.
ტყიბულში მინდელის მაღაროში 4 მეშახტე მაღალი სიმაღლიდან გადმოვარდა. ტყიბულის შახტაში უბედური შემთხვევა მაშინ მოხდა, როდესაც მაღაროში ბაგირის სარემონტო სამუშაოები მიმდინარეობდა.
