უკრაინული ავიაკომპანია "Bravo Airways" საქართველოში რეგულარულ ფრენებს იწყებს. გასული წლის განმავლობაში ავიაკომპანია კიევსა და ბათუმს შორის მხოლოდ ჩარტერულ რეისებს ასრულებდა. ინფორმაციას ამის შესახებ ეკონომიკის სამინისტრო ავრცელებს.
გავრცელებული ცნობით, კიევი-ბათუმი-კიევის საჰაერო ხაზზე Bravo Airways-ი რეგულარული რეისების შესრულებას 17 ივნისიდან დაიწყებს. ფრენები 2 სექტემბრამდე, კვირაში ორჯერ, ყოველ ოთხშაბათსა და შაბათს, Boeing B737 და MD83-ის ტიპის საჰაერო ხომალდებით განხორციელდება.
ავიაკომპანიას ფრენის ნებართვა 12 აპრილს ეკონომიკისა და მდგრადი განვითარების სამინისტროს სამოქალაქო ავიაციის სააგენტომ მიანიჭა.
ავიაკომპანია
უკრაინული ავიაკომპანია 17 ივნისიდან საქართველოში რეგულარულ ფრენებს განახორციელებს
economy.ge
