როგორც ცნობილია, ფილმი "მთვარის შუქი" წლევანდელი ოსკარების გამარჯვებული გახდა, თუმცა, მხოლოდ მას შემდეგ, რაც გამარჯვებულად შეცდომით La La Land დაასახელეს.
უორენ ბითი, რომელმაც ფილმი გამოაცხადა, ამბობს, რომ კონვერტზე "ემა სტოუნი - La La Land" ეწერა და ლოგიკურად გამარჯვებულად სწორედ ეს სურათი დაასახელა.
La La Land-ის გუნდი უკვე სცენაზე სიტყვით გამოდიოდა, როდესაც შეცდომა აღმოაჩინეს.
La La Land-მა წელს 6 ოსკარი მოიპოვა, საუკეთესო რეჟისორისა და საუკეთესო მსახიობი ქალის ჩათვლით.
La La Land-ის რეჟისორი, დემიენ შაზელი ყველაზე ახალგაზრდა ადამიანი გახდა, რომელმაც ამ კატეგორიაში ოსკარი მოიგო. ის 32 წლისაა.
"მთვარის შუქმა" კი ადაპტირებული სცენარისა და საუკეთესო მეორეხარისხოვანი როლისთვის დაიმსახურა ჯილდო.