პირველ რიგში, უნდა მოხდეს ნაფიც მსაჯულთა ინსტიტუტის სწრაფი გაფართოება, არა იმ ტემპით რაც ჩვენ გავაკეთეთ 2010 წლის შემდეგ 2 წელიწადში და არა მითუმეტეს ისე, როგორც ეს ხელისუფლება აკეთებს, რომელმაც დააკონსერვა და რიგ შემთხვევებში მთლიანად გააუქმა და საჯარო კამპანია აწარმოა ნაფიც მსაჯულთა წინააღმდეგ. ასევე, არასტანდარტული ნაბიჯი უნდა გადავდგათ. ჩვენ ვთვლით, რომ უნდა მოხდეს სააპელაციო და უზენაესი სასამართლოს დონეზე იმ ქვეყნების მოსამართლეების მოწვევა და კორპორირება, რომლებსაც ძალიან ღრმა ტრადიცია აქვთ. ეს უნდა გავაკეთოთ, როგორც დროებითი ზომა იმისთვის, რომ იყოს მოსამართლეების კლასი, რომლებზეც არსებობს შეთანხმება, რომ არ ექვემდებარებიან პოლიტიკურ გავლენას, ნაკლებად სარისკოები არიან კლანური გავლენებისგან. კერძო ბიზნესთან დაკავშირებით ძალიან კონკრეტული რეცეპტი გვაქვს - ბიზნესდავების მნიშვნელოვანი ნაწილის შემთხვევაში, კერძო ბიზნესს მივცეთ შესაძლებლობა, რომ საერთაშორისო არბიტრაჟების ყველაზე ავტორიტეტულ ჯგუფს მიმართონ ავტომატურად და იქ მიღებული გადაწყვეტილება იყოს საბოლოო.
tbl.ge/1wbz
დაკოპირდა
ერთიანი ნაციონალური მოძრაობის საგარეო ურთიერთობათა მდივანი გიგა ბოკერია fb live-ში სასამართლო სისტემის რეფორმაზე.
გიგა ბოკერიაერთიანი ნაციონალური მოძრაობასასამართლო სისტემაარჩევნები 2016ნაფიც მსაჯულთა ინსტიტუტისასამართლო სისტემის რეფორმა