თოფაძე: კოღუაშვილს პოლიტსაბჭოზე თითი დაუქნიეს, გააფრთხილეს

[დავით კოღუაშვილს] შეეშალა. ნუ, არ უნდა შეეშალოს, გამოცდილია ეგ პოლიტიკაში, შეცდომა დაუშვა, მოიბოდიშა რეალურად. პოლიტსაბჭოს ჩვენ აღარ ვესწრებით, რაც დაიშალა კოალიცია, არ ვიცი კონკრეტულად, მაგრამ ცხადია, რომ რაღაც ინფორმაცია მოგვდის. ძალიან სერიოზული კრიტიკა იყო თითის ქნევით და გააფრთხილეს, რომ ასეთი გამოცდილი პოლიტიკოსი ხარო და ესეთი უაზრობა როგორ ჩაიდინეო. ინფორმაცია მაქვს ჩვენი ყოფილი კოალიციის წევრებიდან, რომ თითი დაუქნიეს, გააფრთხილეს და გადაწყვეტილება... ვერ გეტყვით რა... ყოველ შემთხვევაში, შეცდომა იყო, მოიბოდიშა, შეიძლება რაღაცა უფრო რადიკალური გადაწყვეტილება მიიღოს ოცნებამ, ვერ გეტყვით, ალბათ, 2-3 დღეში გამოიკვეთება.