დავით კოღუაშვილი ჩემი ძალიან ახლო მეგობარია. მას ნამდვილად ვერ დავწამებ, რომ ის რამე დადებით სენტენციებს განიცდის სააკაშვილის ხელისუფლების მიმართ. თუმცა, უნდა ვთქვა, რომ სამწუხაროდ, მან ორიოდე დღეში მოხსნა ყველანაირი რეკორდი ძალიან დაუფიქრებელი განცხადებების. ვფიქრობ, უპირველეს ყოვლისა, ის რაც მან ისაუბრა ჩვენი გუნდის ზოგიერთი წევრის, შეიძლება, წარსულში წევრების და მომავალში ცალკე პარტიის წარმომადგენლების მიმართ. ყველა ადამიანი, ვისთან ერთადაც მოვიპოვეთ გამარჯვება, არის ძალიან გასაფრთხილებელი. მე თვითონ პირადად, ძალიან ვუფრთხილდები, რომ გავაკეთო ისეთი განცხადებები, რომ პიროვნულად რაიმე შეურაცხყოფა მივაყენო ან გული ვატკინო თუნდაც ყოფილ თუ დღევანდელ თანაგუნდელებს. დღეს არის ეს განახლების პროცესი, სადაც მნიშვნელოვანია, რომ ჩვენ თითოეულ ადამიანს გავუფრთხილდეთ და ნამდვილად ვფიქრობ, რომ ბევრი განცხადება დავითის იყო საკმაოდ დაუფიქრებელი. რაც შეეხება რაიმე პოზიტიურ გრძნობებს, მე მგონია, რომ ამაზე არის სრული კონსოლიდაცია არამხოლოდ ჩვენს გუნდში, არამედ საზოგადოებაში და საზოგადების შეფასება წინა ხელიოსუფლების მიმართ არის ერთმნიშვნელოვანი. ამიტომ თვითონ დავითსაც არა მგონია... მე მგონი, ზოგი განცხადება ცოტა კონტექსტიდან გამოგლეჯილი იყო. თუმცა, მას მეტი დაფიქრება მართებს, რა თქმა უნდა, როცა ასეთ განცხადებებს აკეთებს, ვინაიდან, თითოეული ასეთი განცხადება უკავშირდება არაერთ ადამიანს საქართველოში.
ქართული ოცნება
პრემიერი: კოღუაშვილმა დაუფიქრებელი განცხადებების ყველანაირი რეკორდი მოხსნა
