კობახიძე: მგონია, რომ კოღუაშვილის აზრი არასწორი ინტერპრეტაციით გაავრცელეს

მე გამიჩნდა შთაბეჭდილება, რომ რუსთავი ორის სიუჟეტი იყო გარკვეულწილად დაჭრილი ანუ ინტერვიუ თუ კომენტარი იყო დაჭრილი, არ იყო ტექსტი სრულყოფილად მოწოდებული, ისევე როგორც ქართული გაზეთის უკან მაინც გარკვეულწილად ენმ დგას და ეს კავშირები მათთან იკვეთება. არ მგონია, ამ ინტერვიუშიც ყველაფერი იყო სიტყვასიტყვით გადმოცემული და მგონია, რომ ადგილი ჰქონდა არასწორ ინტერპრეტაციას მის მიერ გამოთქმული აზრის. შესაბამისად, ვიდრე თავად დავითს არ ვნახავ და მისი მხრიდან არ მოვისმენ აღნიშნულ საკითხზე განმარტებას, მე მიჭირს რუსთავი ორში გასული სიუჟეტით თუ ქართულ გაზეთში გამოქვეყნებული ინტერვიუთი შევაფასო. ყოველ შემთხვევაში, მომეჩვენა, რომ ეს კომენტარი იყო დაჩეხილი, დაჭრილი და იძლეოდა სხვადასხვა ინტერპრეტაციის საშუალებას.