ვლადიმირ პუტინის რეჟიმის მიერ დატყვევებული ნადეჟდა სავჩენკოს გათავისუფლების მოთხოვნით დღეს და ხვალ მსოფლიოს მრავალ ქვეყანაში საპროტესტო აქციები გაიმართება. დღეს, ღამის 12 საათზე აქცია გაიმართება თბილისშიც, რუსეთის ფედერაციის ყოფილ საელჩოსთან - აქციის ორგანიზატორი პლატფორმა დაიცავი თავისუფლებაა, რომლის წევრი ტელეკომპანია ტაბულაცაა.
აქციის ორგანიზატორები ამბობენ, რომ სავჩენკოს პატიმრობა პუტინის რეჟიმის ცხადი სახეა, ხოლო მისი გათავისუფლებისთვის ბრძოლა თავისუფალი სამყაროს ვალდებულება.
სავჩენკოს გათავისუფლების მოთხოვნით ხვალ თბილისში რამდენიმე აქციაა დაგეგმილი.
