ბარაკ ობამამ აშშ-ის კონგრესს გუანტანამოს ციხის დახურვის საბოლოო გეგმა გაუგზავნა - ამის შესახებ ინფორმაციას CNN პენტაგონის განცხადებაზე დაყრდნობით ავრცელებს.
გავრცელებული ინფორმაციით, გუანტანამოს ციხიდან დარჩენილი 91 პატიმრის გადაყვანა იგეგმება.
ობამამ ხაზი გაუსვა გუანტანამოს ციხის დახურვის მნიშვნელობას აშშ-ის ეკონომიკისთვის. მისი თქმით, აშშ-ს თითოეული პატიმრის შენახვა წელიწადში 3 მლნ დოლარი უჯდებოდა.
შეგახსენებთ, რომ ობამამ ციხის დახურვის პირობა ჯერ კიდევ 2008 წელს დადო, როდესაც პრეზიდენტად აირჩიეს.