მინდა, განვაცხადო ის, რაც საქართველოს პრეზიდენტმა არაერთხელ თქვა - იუსტიციის უმაღლეს საბჭოს სჭირდება სასწრაფო და ძირეული რეფორმები. საბჭო, სამწუხაროდ, არ იცავს სტანდარტებს მოსამართლეთა შერჩევა-დანიშვნის პროცესში, არღვევს კანონს სასამართლოს თავმჯდომარის გათავისუფლების პროცესში, არ სარგებლობს საზოგადოების ნდობით და ყველაზე უკეთ იმას, რომ ამ ორგანოს სჭირდება ძირეული რეფორმები, თავად საბჭოს გადაწყვეტილებები ადასტურებს. ამიტომ, კიდევ ერთხელ ჩვენ მოვუწოდებთ ყველას, ვისაც ხელეწიფება რეფორმების სწრაფი, დროული და სწორი გატარება, დაუყოვნებლივ მოახდინოს ამ ორგანოს ძირეული რეფორმირება. ვგულისხმობთ საკანონმდებლო რეფორმებს, მაგალითად, რეფორმას, რომელიც არ მისცემს იუსტიციის უმაღლესი საბჭოს წევრებს ისეთი გადაწყვეტილების მიღების უფლებას მოსამართლეთა შერჩევა-დანიშვნის პროცესში, როგორიც აქამდე მიიღეს - მათ დაარღვიეს საკუთარი კრიტერიუმები მოსამართლეთა შერჩევა-დანიშვნის პროცესში და იმედი გვაქვს, რომ კანონის დონეზე, როცა გაიწერება ეს კრიტერიუმები, კანონს მაინც ვერ დაარღვევენ.
tbl.ge/7aj
დაკოპირდა
პრეზიდენტის მრჩეველი ადამიანის უფლებების საკითხებში კახა კოჟორიძე, მამუკა ახვლედიანის გადაყენებაზე.
ამავე თემაზე
- მოსამართლეთა კონფერენციამ იუსტიციის საბჭოს 2 მოსამართლე წევრი და მდივანი აირჩია – მურუსიძე
- მოსამართლე, რომელმაც ტაბულას ჟურნალისტი დააჯარიმა, უვადოდ განაწესეს
- იუსტიციის უმაღლესმა საბჭომ 26 მოსამართლე თანამდებობაზე უვადოდ განაწესა
- პარლამენტმა იუსტიციის უმაღლესი საბჭოს 2 არამოსამართლე წევრი აირჩია — 1 მოსამართლის შვილია
- სააკაშვილი 5 დეპუტატზე: ზუსტად ისე გადაიბირეს, როგორც უკრაინაში იანუკოვიჩის დროს ხდებოდა