საქართველოს ხმის დამფუძნებლის ბიძინა კუჭავას ცხედარი პროზექტურაშია გადასვენებული. მას ექსპერტიზას უტარებენ. გავრცელებული ინფორმაციით, კუჭავამ თავი მოიკლა.
ამასთან, საზოგადოებრივი მაუწყებლის ცნობით, საქართველოს ხმის დამფუძნებელი ეჭვმიტანილი იყო სამეგრელო-ზემო სვანეთის საოლქო პროკურორის ვახტანგ ქირიას მკვლელობაში. რუსთავი 2-ის ცნობით კი, ბიძინა კუჭავას სახლი სამართალდამცველებმა გუშინ გაჩხრიკეს, დაკითხვაზე დაიბარეს კუჭავას მეუღლე, ხოლო სახლიდან წაიღეს კომპიუტერები, დისკები და მეხსიერების ბარათები. ოფიციალურ განცხადებებს შსს-სა და პროკურატურაში ამ დრომდე არ აკეთებენ.
შეგახსენებთ, რომ სამეგრელო-ზემო სვანეთის საოლქო პროკურორი ვახტანგ ქირია გუშინ მოკლული იპოვეს. შინაგან საქმეთა სამინისტრომ გამოძიება განზრახ მკვლელობის მუხლით დაიწყო. ვახტანგ ქირია რამდენიმე დღე დაკარგული იყო.
