მე აბსოლუტურად ვარ დარწმუნებული, რომ არჩევნებს მოვიგებთ. დანარჩენი, ყოველთვის არსებობენ განაწყენებული ან ისეთი ადამიანები, რომლებიც განსხვავებულად უყურებენ რაღაცას. ერთ რამეს გეტყვით - ზუგდიდში დავარიგეთ 320 ბინა, როცა 4 150 განაცხადი იყო შემოტანილი, ანუ 3 900-მდე ოჯახმა ბინა ვერ მიიღო. მთელი "ნაციონალური მოძრაობა" ჩამოვიდა, რომ რამენაირად ქუჩის აქციები მოეწყოთ. წარმოიდგინეთ 3 900 გულდაწყვეტილი, გაბრაზებული ადამიანი და მათი ოჯახის წევრები. ეს უკვე სერიოზული საპროტესტო მასაა, თუმცა, აქციაზე 15 ადამიანზე მეტი არ გავიდა. რატომ? იმიტომ, რომ ყველას ცალ-ცალკე შევხვდით და ავუხსენით, რომ განაწილება მოხდა სამართლიანად. ეს თავადაც დაინახეს, ისე როგორც დაინახეს, რომ მომავალშიც ასე გაგრძელდება და ყველა მათგანს აქვს შანსი მიიღოს ბინა - ზოგმა ძალიან მალე, ზოგამ ცოტა გვიან, მაგრამ ყველამ მიიღოს. ასე რომ, ყველა კარგად ხედავს ძველსა და არსებულს შორის განსხვავებას, მიუხედავად იმისა, რომ ადამიანი შეიძლება, ხშირად გამოთქვამდეს უკმაყოფილებას.
tbl.ge/7ml
დაკოპირდა
![](https://api.tabula.ge/files/styles/news_thumb_square_md/public/photos/2013/05/subari.jpeg.jpg?itok=1YdsAJaM)
ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრი სოზარ სუბარი ინტერპრესნიუსთან ინტერვიუში.