თბილისის საკრებულოს თავმჯდომარის ყოფილ მოადგილეს მამუკა ახვლედიანს ფინანსთა სამინისტროს საგამოძიებო სამსახურში მოწმის სტატუსით კითხავენ. დაკითხვის დაწყებამდე მან ჟურნალისტებს უთხრა, რომ შესაძლოა გამოძიებას კითხვები გიგი უგულავასთვის წარდგენილ ბრალთან დაკავშირებით ჰქონდეს.
ფინანსთა სამინისტროს საგამოძიებო სამსახურთან მამუკა ახვლედიანის თანაგუნდელები და საკრებულოს ნაციონალური მოძრაობის წევრები მივიდნენ. მათი თქმით, ახვლედიანის დაკითხვაზე დაბარება პოლიტიკურად მოტივირებულია.
