დღეს უკრაინაში, ხარკოვში, უკრაინის ერთიანობის მხარდასაჭერი აქციის დროს აფეთქება მოხდა.
როგორც SQ იტყობინება ხალხი სპორტის სასახლესთან შეიკრიბა, შემდეგ კი მსვლელობა თავისუფლების მოედნისაკენ დაიწყეს. დაახლოებით 13:10-ზე კი კოლონის თავში აფეთქება მოხდა.
გავრცელებული ინფორმაციით აქციის გვერდზე ერთ-ერთი მიმავალი მანქანიდან ხელყუმბარა ისროლეს, თუმცა ეს ინფორმაცია ოფიციალურად ჯერ-ჯერობით არ დასტურდება.
ჯერ-ჯერობით მსხვერპლის შესახებ ზუსტი ინფორმაცია არ არის, თუმცა ერთ-ერთი თვითმხილველის თქმით 2 ადამიანი დაიღუპა.