ბახმაროში ლაშქრობისას ზვავში ერთი ახალგაზრდა მოყვა, სამმა კი მიტოვებულ სახლს შეაფარა თავი. ბახმაროში სამაშველო ოპერაცია ვერტმფრენებით მიმდინარეობს, ზვავსაშიში ადგილიდან სამი ახალგაზრდის გადმოყვანა კი, დღეს მოხდება, - ამის შესახებ საგანგებო სიტუაციების მართვის დეპარტამენტის დირექტორმა ზვიად ქაწაშვილმა განაცხადა.
"სამი ახალგაზრის ევაკუაციამდე, მათ უნდა მიგვითითონ ადგილი, სადაც ზვავი ჩამოწვა. ახალგაზრდების ინფორმაციით, ზვავში მოყვა 2 პირი, თუმცა ერთის გამოყვანა მათ თავად მოახერხეს. მეორე კი, ამ დრომდე დაკარგულად ითვლება", - განაცხადა ქაწაშვილმა.
ქაწაშვილის განცხადებით, სამმა ახალგაზრდამ, ზვავის ჩამოწოლის შემდეგ, სოფელ ზოტიყელში მდებარე მიტოვებულ სახლში შეაფარა თავი. სახლი ზვავსაშიშ ზონაში იმყოფება და მათი გამოყვანა დღესვე იგეგმება.
