ბალტიის ქვეყნები რუსეთის პროვოკაციებმა შეაშფოთა

ემუქრება თუ არა რუსული აგრესია ბალტიის სახელმწიფოებს? უკრაინის წინააღდეგ რუსული აგრესიის შემდეგ ამ კითხვას პოლიტიკოსები და ექსპერტები სულ უფრო ხშირად სვამენ. ბოლო პერიოდში რუსეთი ბალტიის ქვეყნებზე სხვადასხვა საშუალებებით ზემოქმედებასა და დაძაბულობის პროვოცირებას ცდილობს - ამის შესახებ ლიტვის საგარეო საქმეთა მინისტრმა ლინას ლინკიავიჩუსმა განაცხადა და შექმნილი ვითარებით შეშფოთება გამოთქვა. ბოლო პერიოდში რუსეთმა ბალტიის ქვეყნების წინააღდეგ რამდენიმე პროვოკაცია განახორციელა. ექსპერტები და პოლიტიკოსები მოსკოვის მხრიდან უკრაინის სცენარით აგრესიას არ გამორიცხავენ.