ბილ გეიტსის საქველმოქმედო ფონდმა დასავლეთ აფრიკაში ებოლას წინააღმდეგ საბრძოლველად $50 მილიონი გაიღო.
$50 მილიონი ყველაზე დიდი თანხაა, რომელიც ჰუმანიტარული დახმარებისთვის ერთდროულად ოდესმე შეუწირავთ, - აღნიშნულია Associated Press-ის მიერ.
შეწირული თანხა მოხმარდება ებოლას საწინააღმდეგო მედიკამენტების შეძენას, კვლევებს და ებოლას საწინააღმდეგოდ მიმართულ ბრძოლას ლიბერიაში, სიერა ლეონესა და გვინეაში.
გაეროს გენერალური მდივანი ბან კი მუნი ამბობს, რომ ებოლას ვირუსის აღმოსაფხვრელად საჭიროა $600 მილიონის რესურსების გადამისამართება დასავლეთ აფრიკაში.
შეგახსენებთ, რომ მსოფლიო ჯანდაცვის ორგანიზაციის მონაცემებით, ებოლათი ინფიცირებულთა 53% გარდაიცვალა და დაღუპულთა რიცხვმა 3 944-ს მიაღწია.
