საინფორმაციო სააგენტო ბლუმბერგის ცნობით, ევროკავშირის ახალი დირექტივის მიხედვით, წევრი ქვეყნები ვალდებული იქნებიან მშპ-ს დაანგარიშებაში პროსტიტუციის, შავ ბაზარზე გაყიდული სიგარეტისა და ალკოჰოლის და არალეგალური ნარკოტიკული საშუალებების ვაჭრობის მაჩვენებლები შეიყვანონ.
არალეგალური შემოსავლების მშპ-ში ჩათვლით იზრდება ქვეყნის ეკონომიკური მაჩვენებელი და ასახავს კეთილდღეობის დონის უფრო რეალურ სურათს.
ორი თურქი ეკონომისტის, ჯეიჰუნ ელგინისა და ოგუზ ოზთუნალის, კვლევის მიხედვით, ჩრდილოვანი ეკონომიკის წილი მშპ-ში ევროკავშირისა და OECD-ის წევრ ქვეყნებში 18%-მდე ადის. ეს მაჩვენებელი ლათინურ ამერიკაში 42%-ია, ახლო აღმოსავლეთსა და ჩრდილოეთ აფრიკის ქვეყნებში 32%, ხოლო აზიაში 33%.