http://sportscabal.com/
http://www.dailymail.co.uk/
http://www.dailymail.co.uk/
http://www.dailymail.co.uk/
http://www.dailymail.co.uk/
http://www.dailymail.co.uk/
http://www.dailymail.co.uk/
http://www.dailymail.co.uk/
ესპანური ლა ლიგა-ს მატჩის დროს, რომელშიც ერთმანეთს ვილიარეალი და ბარსელონა ხვდებოდნენ, კატალონიური კლუბის მცველს, დანიელ ალვეშს, ვილიარეალის გულშემატკივარმა ბანანი ესროლა.
რასიზმის ასეთი ფორმით გამოვლინება სხვადასხვა ქვეყნის სტადიონებზე უცხო არ არის და თუმცა, UEFA ბოლო პერიოდში ასეთი ფაქტების აღსაკვეთად განსაკუთრებით დიდ ძალებს არ იშურებს, განსხვავებული კანის ფერის ფეხბურთელების მიმართ შეურაცხყოფის ფაქტები მაინც ფიქსირდება.
ინციდენტი მაშინ მოხდა, როდესაც ალვეში კუთხურის ჩასაწოდებლად ემზადებოდა. ამ ისტორიაში განსაკუთრებული ის არის, რომ ბრაზილიელმა მისი მისამართით ნასროლი ბანანი აიღო, მიირთვა, შემდეგ კი კუთხური მოაწოდა.
შეხვედრის შემდეგ, დანი ალვეშის მხარდასაჭერად მისმა თანაგუნდელმა ნეიმარმა, სოციალურ ქსელ ტვიტერში ფოტო ატვირთა, სადაც ბანანით ხელშია გამოსახული, ქვემოთ კი მიაწერა: "ჩვენ ყველანი მაიმუნები ვართ". მოგვიანებით, ასევე მოიქცა ფეხბურთელის მეგობარი გოგონაც, შემდეგ კი წყვილს ძალიან ბევრმა ფეხბურთელმა მიბაძა.
ბანანით ხელში ფოტოები გამოაქვეყნეს არგენტინელმა სერხიო აგუერომ და ბრაზილიელმა ფეხბურთელმა მარტამ, ქვემოთ კი მიაწერეს: "არა რასიზმს! ჩვენ ყველანი თანასწორნი ვართ".
ჩელსის ტრიომ ოსკარმა, დავიდ ლუიზმა და ვილიანმა, სოციალურ ქსელ ინსტაგრამზე მოკლე ვიდეო ატვირთეს თაგით - "ნულოვანი დისკრიმინაცია". მოგვიანებით, ტოტენჰემელმა მუსა დემბელემ და ნასერ ჩადლიმ გადაიღეს მსგავსი ფოტოები, შემდეგ კი ასევე მოიქცა ბრაზილიელი ჰალკი.
საინტერესოა, რომ რასიზმის გამოვლინება დაგმო ურუგვაელმა ლუის სუარესმა, რომელსაც განსხვავებული კანის ფერის მქონე ფეხბურთელების მიმართ აგრესიულ მოპყრობაში ხშირად ადანაშაულებენ ხოლმე. სუარესმა ფოტო კოუტინიოსთან ერთად გადაიღო.
დანი ალვეშის მხარდასაჭერად, იტალიის ნაკრების მთავარმა მწვრთნელმა ჩეზარე პრანდელიმ, ფოტო იტალიის პრემიერთან, მატეო რენცისთან ერთად გადაიღო.
აღსანიშნავია, რომ ინციდენტისას ბარსელონა ანგარიშით 2:1 აგებდა, შემდეგ კი სწორედ დანი ალვეშის დიდი დამსახურებით, 3:2 გამარჯვება მოახერხა.
ვილიარეალის ხელმძღვანელობამ უკვე დაადგინა რასისტი გულშემატკივრის ვინაობა, რომელსაც უმკაცრესი სასჯელი დაეკისრება.
