პარლამენტმა მთავრობის ახალ შემადგენლობას ნდობა გამოუცხადა. მანამდე კი პრემიერმინისტრობის კანდიდატმა ირაკლი ღარიბაშვილმა დეპუტატებს სამთავრობო პროგრამა გააცნო და მათ შეკითხვებს უპასუხა. სამთავრობო პროგრამასა და პარლამენტში გამართულ სხდომაზე ჩვენს სტუმრებთან - საქართველოს რეფორმების ასოციაციის თანადამფუძნებელ ელენე ხოშტარიასთან, საზოგადოებრივი კომუნიკაციების მართვის სპეციალისტ არჩილ გამზარდიასთან და პოლიტოლოგ ვაჟა ბერიძესთან ერთად ვსაუბრობთ .
ასევე: საქართველოს მთავრობის ინიციატივით, სავიზო რეჟიმი და იმიგრაციული პოლიტიკა მკაცრდება. რატომ გახდა საჭირო ლიბერალური სავიზო რეჟიმის გადახედვა და რა შედეგები შეიძლება მოჰყვეს ამას - ჩვენს კითხვებს პარლამენტის საგარეო საქმეთა კომიტეტის წევრი, ზვიად კვაჭანტირაძე პასუხობს.
