იქს ადამიანები: მომავლის წარსული დღეები

ფილმის იქს ადამიანები: მომავლის წარსული დღეები ტრეილერი გამოვიდა

ფილმის იქს ადამიანები: მომავლის წარსული დღეები ტრეილერი გამოვიდა.

იქს ადამიანები: მომავლის წარსული დღეები, იქს ადამიანები: პირველი კლასის გაგრძელება იქნება. ფილმის სიუჟეტი შორეულ მომავალსა და წარსულში განვითარდება. მომავალში მუტანტები საშინელ ომში არიან ჩართულები, რომელშიც სულ მალე დამარცხდებიან, მაგნიტო და პროფესორი იქსი, ისტორიული მოვლენების შესაცვლელად Wolverine-ს წარსულში გაუშვებენ.

ფილმის რეჟისორი პირველი კლასის შემქმნელი მეტიუ ვონი აღარ იქნება. კინოკომპანია 20th Century Fox -ის 2014 წლის ერთ-ერთი უმნიშვნელოვანესი პროექტის რეჟისორი ბრაიან სინგერია. ჩვეულებრივი ეჭვმიტანილების რეჟისორი იქს ადამიანებზე გადაღებული პირველი ორი ფილმის შემქმნელიცაა და მისი პროექტში დაბრუნება კიდევ უფრო ამძაფრებს ფილმისადმი ინტერესს.  

ნამუშევარში მთავარ როლებს ჰიუ ჯექმენი, მაიკლ ფასბინდერი, ჯეიმს მაკევოი, იან მაკელენი, ელენ პეიჯი, პიტერ დინქლეიჯი შეასრულებენ.

იქს ადამიანები: მომავლის წარსული დღეები 2014 წლის 23 მაისს გამოვა. 

კომენტარები