ფოტორეპორტაჟი - პირველი ავიაშოუ

ავიაკონსტრუქტორ ალექსანდრე ქართველიშვილის იუბილეს აღსანიშნავად, დღეს, საქართველოს ავიაციის ისტორიაში პირველი ავიაშოუ გაიმართა. ღონისძიება 16:00-ზე დაიწყო და ერთი საათი გაგრძელდა. ავიაშოუს საქართველოს პარლამენტის თავმჯდომარე დავით უსუფაშვილი, ფინანსთა მინისტრი ნოდარ ხადური, სასჯელაღსრულების მინისტრი სოზარ სუბარი, თავდაცვის მინისტრი ირაკლი ალასანია, დედაქალაქის მერი გიგი უგულავა, კულტურის მინისტრი გურამ ოდიშარია და ხელისუფლებისა და თვითმმართველობის სხვა წარმომადგენლები ესწრებოდნენ. ღონისძიებაზე მიწვეულნი იყვნენ საქართველოში აკრედიტებული დიპლომატიური კორპუსის წარმომადგენლები.