დევისის თასის მეოთხედფინალში ერთმანეთს სერბეთის და აშშ-ის ნაკრებები შეხვდნენ.
ნოვაკ ჯოკოვიჩმა სემ კუერი დაამარცხა და შედეგად ნახევარფინალში სერბები გავიდნენ.
ჯოკოვიჩს გასამარჯვებლად ორსაათ-ნახევარი დასჭირდა.
პირველ სეტში ანგარიში 1-1 იყო, როდესაც სერბმა კოჭი დაიზიანა და სამედიცინო ტაიმ-აუტის აღება მოუხდა.
საბოლოოდ, რეიტინგის ლიდერმა ტრავმის მიუხედავად 7:5, 6:7, 6:1, 6:0 გაიმარჯვა.
სერბეთი სექტემბერში, ნახევარფინალურ დაპირისპირებაში კანადას შეხვდება.
ბუენოს აირესში კარლოს ბერლოკმა რეიტინგის მეცამეტე ნომერ ჟილ სიმონს ანგარიშით 6-4, 5-7, 6-4, 6-4 სძლია და შედეგად, არგენტინის ნაკრები საფრანგეთზე 3-2 გამარჯვებით, დევისის თასის ნახევარფინალში გავიდა.
შემდეგ ეტაპზე არგენტინელები ჩეხებს შეხვდებიან, რომლებმაც ყაზახეთი დაამარცხეს.
ნახევარფინალური დაპირისპირება ასევე სექტემბერში გაიმართება.
