იოკო ონომ Swarovski-სთან თანამშრომლობის შედეგად საკუთარი დიზაინის სამკაულების ლიმიტირებული კოლექცია გამოუშვა, რომელსაც «Unlocking the Door to a Better Life» ჰქვია. მასში გასაღების ფორმის ბეჭდები, სამაჯურები და ყელსაბამები შევიდა. 79 წლის ვარსკვლავი უკვე წლებია მსგავს სამკაულებს თავად ატარებს და როგორც ჩანს, კოლექციის ინსპირაციაც სწორედ ეს გახდა.
„Swarovski-სთან კოლაბორაცია მიმზიდველი შემოთავაზება იყო. მინდოდა მსოფლიოსთვის გამეზიარებინა გასაღების ჩემი ბოლო კონცეფცია, უკეთესი ცხოვრების კარის გასაღებად“, - უთხრა მან The Telegraph-ს.
ლიმიტირებული კოლექცია Swarovski-ის ოფიციალურ საიტზე გაიყიდება, ხოლო ნივთების ღირებულება 90 ამერიკული დოლარიდან 410-მდე მერყეობს.
