შინაგან საქმეთა სამინისტრო საქართველო-რუსეთის საზღვართან, დაღესტნის მონაკვეთთან შეიარაღებული დაჯგუფების მიმართ დევნის ოპერაციის განხორციელების დროს დაღუპულთა და დაჭრილთა შესახებ განცხადებას ავრცელებს. სამინისტროს ცნობით, ოპერაციის განხორციელებისას დაიღუპა სპეცდანიშნულების რაზმის 3 თანამშრომელი და დაიჭრა 5.
”რაც შეეხება დივერსანტთა ჯგუფს, ლიკვიდირებულია შეიარაღებული დაჯგუფების 11 წევრი. ამჟამად ალყაშია მოქცეული 6 დივერსანტი. მიმდინარეობს მათი დაკავების ღონისძიება.” - ნათქვამია შსს-ს მიერ გავრცელებულ განცახდებაში.
შინაგან საქმეთა სამინისტრო მწუხარებას გამოთქვამს და უსამძიმრებს გარდაცვლილების ოჯახებს.
