აშშ-ში, ქალაქ დენვერში, კინოთეატრში ცეცხლის გახსნის შედეგად, სულ მცირე 14 ადამიანი დაიღუპა. შემთხვევა ბეტმენის თავგადასავლებზე გადაღებული ახალი ფილმის ,,შავი რაინდი: ლეგენების დაბადება’’ პრემიერაზე მოხდა.
ადგილობრივი პოლიცია იუწყება, რომ ინციდენტის შედეგად, დაშავებულია დაახლოებით 50 ადამიანი.
თვითმხილველების ცნობით, შეიარაღებულმა მამაკაცმა, რომელსაც აირწინაღი ეკეთა, კინოთეატრში ცეცხლი შუაღამის სეანსზე გახსნა.
BBC-ს ინფორმაციით, პოლიციამ ეჭვმიტანილი ერთ-ერთ ავტოსადგომზე დააკავა. დაკავებულს თან ჰქონდა ცეცხლსასროლი იარაღი.
დაკავებულმა პოლიციას განუცხადა, რომ ასაფეთქებელ ნივთიერებებს საკუთარ სახლში ინახავდა. მისი საცხოვრებელი სახლი ამ დროისათვის ევაკუირებულია.
