საქართველოს თავდაცვის სამინისტრომ, გორის სამხედრო ნაწილში ჯარისკაცის გარდაცვალებასთან დაკავშირებით განცხადება გაავრცელა.
,,თავდაცვის სამინისტრო ღრმა მწუხარებას გამოთქვამს რიგითი კობა შალვას ძე მახარაშვილის გარდაცვალების გამო და უსამძიმრებს გარდაცვლილის ოჯახს. მომხდართან დაკავშირებით, აღძრულია სისხლის სამართლის საქმე, რომელსაც სამხედრო პოლიცია იძიებს. გამოძიების დასრულების შემდეგ საქმის დეტალები საზოგადოებისთვის ცნობილი გახდება. თავდაცვის სამინისტრო დაფარავს დაკრძალვის ხარჯებს და მატერიალურად დაეხმარება გარდაცვლილის ოჯახს"-ნათქვამია განცხადებაში.
19 წლის ჯარისკაცი, კობა მახარაშვილი, გორის სამხედრო ნაწილში, ცეცხლსასროლი იარაღიდან გასროლით გარდაიცვალა. შემთხვევა 11 ივლისს მოხდა. საუბარია როგორც თვითმკვლელობის ასევე მკვლელობის ვერსიებზე.
გარდაცვლილი ჯარისკაცი გორიდან გურჯაანის რაიონში დღეს გაადასვენეს.